Ի՞նչ է թիրախային շուկայավորումը

Կներկայացնենք թիրախային շուկայավորման առավելություններն ու ռիսկերը:

Թիրախային շուկայավորումը գործողությունների շարք է, որն ուղղված է լսարանի շատ նեղ հատվածին, օրինակ այն կարող է լինել խոհարարների կամ բժիշկների խումբ:

Թիրախային մարքեթինգի բովանդակությունն իր մեջ ներառում է կազմակերպչական, վերլուծական, գովազդային գործիքների մի ամբողջ շարք, որոնք ապահովում են շուկայում ապրանքների և ծառայությունների հաջող առաջխաղացումը:

Նպատակային մարքեթինգային ռազմավարությունը ապահովում է վաճառքի աճ և բարձրացնում թ հաճախորդների հետ փոխգործակցության մակարդակը, քանի որ այն կենտրոնացած է ոչ թե վերացական լսարանի, այլ որոշակի որսկներ և կարիքներ ունեցող սպառողների վրա, որոնց բարելավմանը նպաստում է ապրանքը կամ ծառայությունը:

Թիրախային շուկայավորման առավելությունները

Թիրախային մարքեթինգն ունի մի շարք առավելություններ, որոնք թույլ են տալիս ներգրավել նորերին և պահպանել հին հաճախորդներին: Այն հնարավորություն է տալիս՝

• Հասկանալ շուկայի առանձնահատկությունները
• բարձրացնել ապրանքի գրավչությունը
• զբաղեցնել որոշակի տեղ շուկայում և հասնել վաճաքի կայուն ծավալների

Նպատակային շուկայավորումը կարող է հաջողություն բերել ձեռնարկությանը հետևյալ պայմաններում՝

1. Ընկերությունը դեռ չի հասցրել բավականաչափ միջոցներ կուտակել գովազդի համար, որն ուղղված է լինելու զանգվածային սպառողին․ Նաև ընկերության ֆինանսական ռեսուրսները սահմանափակ են։
2. Թիրախային լսարանի տարբեր հատվածները տարբեր կարիքներ ունեն, ուստի մեկ առաջարկը չի կարող հարմար լինել բոլորին։
3. Համապատասխան շուկայում ընկերությունն ունի բազմաթիվ մրցակիցներ, որոնցից յուրաքանչյուրն առաջարկում է յուրահատուկ ապրանք՝ գնորդին դնելով ընտրության առաջ։

Թիրախային շուկայավորման արշավների տեսակները

Սովորաբար կան մարքեթինգային արշավի մի քանի տեսակներ՝

• Արշավներ, որոնց խնդիրն է ավելացնել ապրանքների և ծառայությունների ծավալը, որոնք հաճախորդը ներկայումս սպառում է, կամ ընդլայնել այնպիսի ապրանքների և ծառայությունների շրջանակը, որոնց վաճառքը նախկինում կտրուկ աճել է:

• Արշավներ, որոնք ուղղված են ընկերության նկատմամբ հաճախորդների հավատարմության ամրապնդմանը: Դա անելու համար նախ անհրաժեշտ է բացահայտել այն պատճառներն ու պայմանները, որոնք կարող են դրդել հաճախորդին չհեռանալ:
• Արշավներ, որոնք խրախուսում են մարդկանց նորից օգտագործել ձեր առաջարկը, ովքեր ավելի վաղ գնել են ապրանք կամ օգտվել են ծառայությունից, բայց հետո ինչ-ինչ պատճառներով սկսել են չօգտվել:

Ռիսկերի վերլուծություն

Նախքան արտադրության և գովազդային արշավի մեկնարկը, դրա հետ կապված բոլոր ռիսկերը պետք է ամբողջությամբ վերլուծվեն և հաշվի առնվեն: Ռիսկերը պետք է հաշվի առնվեն ինչպես արտադրության արժեքը հաշվելիս, այնպես էլ շուկայավորման գործունեությունը պլանավորելիս: Հատուկ ուշադրություն պետք է դարձնել նույն շուկայում գտնվող այլ ըներությունների վրա, երբեմն տվյալ ընկերությունները ձեռնարկում են այլ քայլեր իրենց ապրանքը ճանաչելի դարձնելու համար: Հարկավոր է հետևել շուկայում առկա մրցակիցներին և գործընկերներին ու ձեռնարկել քայլեր ձեր արտադրանքի պահանջարկը մեծացնելու համար:

Տեխնիկաներ, որոնք թույլ կտան զարգացնել թիրախային շուկայավորումը

Թիրախային մարքեթինգի առանձնահատկությունները երկար տարիներ ուսումնասիրվել են գովազդի մասնագետների կողմից, ինչը հնարավորություն է տվել կազմել դրա իրականացման ընդհանուր առաջարկություններ, որոնք են՝

1. Հիմքը պետք է լինի մանրամասն մարքեթինգային արշավի պլանը․ Այն կազմելիս պետք է հաշվի առնել պոտենցիալ գնորդների կարիքները, առկա հնարավորությունները, շուկայի առաջնահերթ խնդիրները:
2. Շուկայական հատվածների համախմբում․ Այն կարող է օգտագործվել, երբ ձեռնարկությունն ունի վաճառքի ապրանք, բայց չունի վաճառքի համակարգ, և հնարավոր է համագործակցել մեկ այլ ընկերության հետ, որն ունի անհրաժեշտ գործիքներն ու ռեսուրսները՝ այն շուկա հանելու և նպատակային մարքեթինգ իրականացնելու համար:

Թիրախային մարքեթինգն ավելի օգտակար է, քանի որ դրա համար ծախսերն ավելի քիչ են, քան զանգվածային մարքեթինգի համար:

Որտեղից ստանալ տվյալներ թիրախային լսարանի մասին

Թվային տեխնոլոգիաները շատ ավելի արագ և արդյունավետ են դարձնում թիրախային լսարանի մասին տեղեկության ստացման գործընթացը:

1. Սոցիալական ցանցերը

Օգտատիրոջ հաշիվը հաճախ պարունակում է ոչ միայն անունը, սեռը այլև բնակության վայրը, տարիքը, սովորութները ու թե ինչն է ամենից հաճախ նախընտրում: Համակարգելով դրանք՝ հեշտ է կազմակերպել նպատակային համացանցային մարքեթինգ:

2. Հարցում անցկացրեք ձեր հաճախորդների շրջանում  

Դրա համար կարող եք օգտագործել հեռախոսազանգեր: Հաճախ մեկ տասնյակ մարդիկ բավական են հասկանալու համար, թե աշխատանքի ու գովազդի որ կետերը պետք է բարելավվեն:

Թիրախային շուկայավորում փոքր և միջին ձեռնարկությունների համար արդյունավետ միջոց է իրենց սկզբնական մարքեթինգային քայլերը իրականացելու համար: